പാലാ: പാലായില് മദ്യലഹരിയില് തൊഴിലാളികള് തമ്മിലുള്ള വാക്ക് തര്ക്കത്തെത്തുടര്ന്ന് ഒരാളെ ചവിട്ടിക്കൊലപ്പെടുത്തി. തിരുവനന്തപുരം സ്വദേശിയായ ഷാജി(45)യാണ് കൊല്ലപ്പെട്ടത്.
പാലാ മുരിക്കുംപുഴ പരിപ്പില്ക്കുന്ന് ഭാഗത്തുള്ള വീട്ടില് ഇന്നലെ രാത്രി 10നാണു സംഭവം. കൊല്ലപ്പെട്ട ഷാജിക്കൊപ്പം താമസിച്ചിരുന്ന മറ്റൊരു തൊഴിലാളിയായ ശ്യാമിനെ പാലാ പോലീസ് കസ്റ്റഡിയിലെടുത്തു. ഇയാളെ വിശദമായി ചോദ്യം ചെയ്തുവരികയാണ്.
ഇന്നലെ മദ്യലഹരിയില് ഇരുവരും തമ്മിലുണ്ടായ വാക്ക് തര്ക്കത്തെത്തുടര്ന്നു ശ്യാമിന്റെ ചവിട്ടേറ്റാണ് ഷാജി കൊല്ലപ്പെട്ടതെന്നും ഇവര് തമ്മില് വഴക്ക് പതിവായിരുന്നതായും പോലീസ് പറഞ്ഞു.
ഇവര്ക്കൊപ്പം താമസിച്ചിരുന്ന മറ്റു തൊഴിലാളികളെ പോലീസ് ചോദ്യം ചെയ്തു വരികയാണ്. തൊഴിലാളികള് എല്ലാവരും തിരുവനന്തപുരം സ്വദേശികളാണ്. മാസങ്ങള്ക്കും മുമ്പും ഇവിടെ തൊഴിലാളികള് തമ്മിലുള്ള വഴക്കില് ഒരാള് കുത്തേറ്റു മരിച്ചിരുന്നു.
മദ്യപിച്ച ശേഷമുള്ള വാക്കു തര്ക്കമാണ് കൊലയില് കലാശിച്ചത് എന്നാണ് പ്രദേശവാസികള് പറയുന്നത്. സംഭവത്തില് പോലീസ് വിശദമായ അന്വേഷണം ആരംഭിച്ചു. ഷാജിയുടെ മൃതദേഹം മോര്ച്ചറിയില്.
E-paper LOGIN
LOGIN
